ბოლო განახლება: 28/03/2025
როგორც მონაცემთა დამუშავებაზე პასუხისმგებელი პირი, Harmony Bioscience Holdings, Inc. და მისი ყველა პირდაპირი და არაპირდაპირი აფილირებული პირი (ამ შეტყობინებაში მოხსენიებული, როგორც „Harmony“, „კომპანია“, „ჩვენ“ ან „ჩვენი“) ვალდებულნი არიან დაიცვან თქვენი პერსონალური მონაცემები. როდესაც ამ ვებსაიტის კონფიდენციალურობის შეტყობინებაში ვიყენებთ ტერმინებს „თქვენ“ ან „თქვენი“, ვგულისხმობთ იმ პირს, რომლის პერსონალურ მონაცემებსაც ვამუშავებთ („მონაცემთა სუბიექტი“).

ვებსაიტის კონფიდენციალურობის შესახებ წინამდებარე შეტყობინება განმარტავს, თუ როგორ ვაგროვებთ, ვიყენებთ, ვინახავთ, გადავცემთ და სხვაგვარად ვამუშავებთ თქვენს პერსონალურ მონაცემებს ჩვენი ვებსაიტებისა და სხვა ონლაინ და ციფრული სერვისების მეშვეობით. ის განსაზღვრავს თქვენს უფლებებს თქვენს პერსონალურ მონაცემებთან დაკავშირებით და დეტალურად აღწერს, თუ როგორ შეგიძლიათ დაგვიკავშირდეთ ჩვენ ან შესაბამის მარეგულირებელ ორგანოს ნებისმიერი შეკითხვით ან საჩივრით. ჩვენს სერვისებზე ავტორიზაციით ან მათი გამოყენებით, თქვენ ეთანხმებით ამ კონფიდენციალურობის შეტყობინებაში აღწერილ პირობებს და Harmony-ს გამოყენების პირობებს.

რა არის პერსონალური მონაცემი?

როდესაც ამ კონფიდენციალურობის შეტყობინებაში ვიყენებთ ტერმინს „პერსონალური მონაცემი“, ვგულისხმობთ ინფორმაციას, რომელიც ეხება იდენტიფიცირებულ ან იდენტიფიცირებად ფიზიკურ პირს. ამ მონაცემების ნაწილი შეიძლება განსაკუთრებით სენსიტიური იყოს და შესაბამისად, უფრო მკაცრი უსაფრთხოების ზომების მიღებას მოითხოვდეს. შესაბამის შემთხვევაში, ჩვენ ამას მოვიხსენიებთ, როგორც სენსიტიურ მონაცემებს“ ან „სპეციალური კატეგორიის მონაცემებს“.

გთხოვთ, გაითვალისწინოთ, რომ „პერსონალური მონაცემები“ არ მოიცავს აგრეგირებულ ან ანონიმურ ინფორმაციას, რომლის გონივრულად დაკავშირება კონკრეტულ პირთან შეუძლებელია. ჩვენ ვაგროვებთ არაპირადად იდენტიფიცირებად ინფორმაციას აგრეგირებული ფორმით, რათა თვალყური ადევნოთ ისეთ მონაცემებს, როგორიცაა ჩვენს საიტზე ვიზიტების საერთო რაოდენობა, ჩვენი საიტის თითოეულ გვერდზე ვიზიტების რაოდენობა და ჩვენი ინტერნეტ სერვისის პროვაიდერების დომენის სახელები. ჩვენ ვიყენებთ ამ ინფორმაციას აგრეგირებული, არაპირადად იდენტიფიცირებადი ფორმით, იმის გასაგებად, თუ როგორ იყენებენ ჩვენი ვიზიტორები ჩვენს საიტს, რათა შევძლოთ ჩვენი საიტის და ჩვენს მიერ შემოთავაზებული სერვისების გაუმჯობესება.

რა ტიპის პერსონალურ მონაცემებს ვაგროვებთ?

ჩვენ შეიძლება შევაგროვოთ შემდეგი პერსონალური მონაცემები Harmony-ის ვებსაიტების ან ონლაინ სერვისების მეშვეობით, რომელთაგან ზოგიერთი შეიძლება ჩაითვალოს სენსიტიურ მონაცემებად.

მონაცემები, რომლებიც შესაძლოა, პირდაპირ თქვენგან შევაგროვოთ

<liსაკონტაქტო ინფორმაცია, როგორიცაა სახელი, საფოსტო მისამართი, ტელეფონის ნომერი, ელექტრონული ფოსტის მისამართი
• პრეფერენციები, როგორიცაა თანხმობა და კომუნიკაციის პრეფერენციები

მონაცემები, რომლებიც შესაძლოა, ავტომატურად შევაგროვოთ

ჩვენ შესაძლოა, ავტომატურად შევაგროვოთ სხვა ინფორმაცია ჩვენი ვებსაიტებისა და ონლაინ სერვისების მეშვეობით, მათ შორის:

• სისტემა და მოწყობილობა. ჩვენ ვაგროვებთ გარკვეულ ინფორმაციას თქვენი მოწყობილობის შესახებ, როგორიცაა თქვენი კომპიუტერის ტიპი, ოპერაციული სისტემა, მოწყობილობის მწარმოებელი, მოდელი, ბრაუზერის ტიპი, ვერსია ან ეკრანის გარჩევადობა.
• ინტერნეტ პროტოკოლის (IP) მისამართი და გეოლოკაცია .. IP მისამართი არის ნომერი, რომელიც ავტომატურად ენიჭება თქვენ მიერ გამოყენებულ მოწყობილობას თქვენი ინტერნეტ სერვისის პროვაიდერის (ISP) მიერ. ჩვენ ასევე შესაძლოა, შევაგროვოთ თქვენი მოწყობილობის გეოლოკაცია, რათა უზრუნველვყოთ მდებარეობაზე ორიენტირებული შესაძლებლობები.
• ქუქი-ფაილები და მსგავსი თრექინგის ტექნოლოგიები .. როდესაც ჩვენს ვებსაიტებს სტუმრობთ, ჩვენ შესაძლოა, შევაგროვოთ ქუქი-ფაილები, პიქსელური თეგები, ვებ-შუქურები ან სხვა მსგავსი ტექნოლოგიები, რომლებიც აკონტროლებენ თქვენს აქტივობას და საიტის გამოყენებას. ისინი შეიძლება მოიცავდნენ სხვა მეტამონაცემებს, რომლებმაც შეიძლება თქვენი ან თქვენი მოწყობილობის იდენტიფიცირება მოახდინონ. (დამატებითი ინფორმაციისთვის იხილეთ ქვემოთ მოცემული განყოფილება „ქუქი-ფაილები და სხვა თრექინგის ტექნოლოგიები“.)

რატომ ვაგროვებთ და ვიყენებთ თქვენს პერსონალურ მონაცემებს?

ჩვენ ვიყენებთ თქვენს პერსონალურ მონაცემებს მრავალი მიზნისთვის და კანონიერი საფუძვლებით, როგორც ეს დეტალურად არის აღწერილი ქვემოთ.

რა შემთხვევაში შეგვიძლია, გავამჟღავნოთ თქვენი პერსონალური მონაცემები?

ჩვენ შესაძლოა, გავუზიაროთ თქვენი პერსონალური მონაცემები მესამე მხარეებს შემდეგი მიზნებისთვის:

• ჩვენი აფილირებული პირები. ჩვენ ვუზიარებთ თქვენს პერსონალურ მონაცემებს Harmony Biosciences Holdings, Inc.-ის აფილირებულ პირებს, რათა მოგაწოდოთ მოთხოვნილი სერვისები, პროდუქტები და კომუნიკაციები.
• სერვისის პროვაიდერები. ჩვენ ვუზიარებთ თქვენს პერსონალურ მონაცემებს მესამე მხარის სერვისის პროვაიდერებს, როგორებიც არიან კომპანიები, რომლებიც უზრუნველყოფენ ვებსაიტის ჰოსტინგს, IT მომსახურებას, მონაცემთა დამუშავებას, ელექტრონული ფოსტის მიწოდებას, მარკეტინგს და სხვა მომსახურებას.
• კლინიკური გამოკვლევის ადგილის პერსონალი. თუ დაგვიკავშირდებით ჩვენს ერთ-ერთ კლინიკურ კვლევაში მონაწილეობის მისაღებად, ჩვენ შესაძლოა, გავუზიაროთ თქვენი პერსონალური მონაცემები საიტის პერსონალს, მათ შორის, ჯანდაცვის პროვაიდერებს, მთავარ მკვლევარებს ან კონტრაქტის კვლევით ორგანიზაციებს.
• მარეგულირებელი ორგანოები. თუ ჩვენი პროდუქტების გამოყენების თქვენი გამოცდილების შესახებ მოსაყოლად დაგვიკავშირდებით, შესაძლოა, თქვენი ინფორმაციის მსოფლიოს მარეგულირებელ ორგანოებთან, მაგალითად, აშშ-ის სურსათისა და წამლის ადმინისტრაციასთან (FDA) გაზიარება დაგვჭირდეს.
• შემდგომი მფლობელები. Harmony-ს ბიზნესის, აქტივების ან აქციების შერწყმის, შეძენის, გაყიდვის, რეორგანიზაციის ან სხვაგვარი გადაცემის ან გაყიდვის შემთხვევაში, თქვენი პერსონალური მონაცემები შეიძლება გადაეცეს სხვა სუბიექტს და შემდგომში მის მიერ კონტროლირებადი გახდეს.

ჩვენ შესაძლოა, სხვაგვარად გამოვიყენოთ და გავამჟღავნოთ თქვენი პერსონალური მონაცემები (i) კანონით ან სამთავრობო დადგენილებით მოთხოვნების შესაბამისად, ან სამართლებრივი პროცესის შესასრულებლად, (ii) ჩვენი უფლებების ან საკუთრების დასაცავად, ან (iii) გადაუდებელ შემთხვევებში ნებისმიერი პირის ჯანმრთელობის ან პირადი უსაფრთხოების დასაცავად. გარდა ამისა, ჩვენ შესაძლოა, გავამჟღავნოთ თქვენი პერსონალური მონაცემები ნებისმიერ მესამე მხარეზე, როდესაც მივიჩნევთ, რომ ასეთი გამჟღავნება აუცილებელია ჩვენი სამართლებრივი, მარეგულირებელი ან ბიზნეს ინტერესების დასაცავად. ჩვენ ასევე შეიძლება, გავამჟღავნოთ თქვენი ინფორმაცია თქვენი გამოხატული თანხმობის საფუძველზე.

ქუქი-ფაილები და თრექინგის სხვა ტექნოლოგიები

ქუქი-ფაილები არის მცირე ზომის მონაცემთა ფაილები, რომლებიც შეიძლება შეიცავდეს ანონიმურ უნიკალურ იდენტიფიკატორს. ქუქი-ფაილები იგზავნება თქვენს ბრაუზერში ამ საიტიდან და ინახება თქვენი მოწყობილობის მყარ დისკზე ინფორმაციის შესაგროვებლად. ეს მონაცემები საშუალებას გვაძლევს შევინახოთ თქვენი პრეფერენციები და პარამეტრები, დაგიცვათ თაღლითობისგან და გავაანალიზოთ ჩვენი სერვისების ეფექტურობა. Harmony-ის ვებსაიტები იყენებენ შემდეგი ტიპის ქუქი-ფაილებს:

• მკაცრად აუცილებელი ქუქი-ფაილები . ეს ქუქი-ფაილები აუცილებელია ჩვენი საიტისა და მისი ძირითადი მახასიათებლებისთვის.
• შესრულების ქუქი-ფაილები . ეს ქუქი-ფაილები გამოიყენება ინფორმაციის შესაგროვებლად იმის შესახებ, თუ როგორ იყენებენ ვიზიტორები ჩვენს საიტს (მაგალითად, რომელ გვერსაიტებს სტუმრობენ ვიზიტორები ყველაზე ხშირად და როგორ მოძრაობენ ისინი საიტზე), ასევე გვეხმარება საიტის ანალიზსა და გაუმჯობესებაში.
• ფუნქციური ქუქი-ფაილები. ეს ქუქი-ფაილები გამოიყენება ჩვენს საიტზე თქვენი გამოცდილების გასაუმჯობესებლად, ჩვენს საიტზე თქვენი პრეფერენციების დასამახსოვრებლად ან კონკრეტული კონტენტის საჩვენებლად.
• ანალიტიკური ქუქი-ფაილები. ეს ქუქი-ფაილები აგროვებს და აანალიზებს თქვენ მიერ საიტის გამოყენებას, რაც გვეხმარება მუშაობის გაუმჯობესებასა და მომხმარებლის ინტერაქციების საფუძველზე კონტენტის მორგებაში.
• სარეკლამო ქუქი-ფაილები. ეს ქუქი-ფაილები გამოიყენება Harmony-ს საიტებზე ან სხვა საიტებსა და მოწყობილობებზე თქვენი ინტერესების მიხედვით რეკლამის პერსონალიზაციისთვის.

გარდა ამისა, ვებსაიტი შეიძლება შეიცავდეს მცირე ზომის ელექტრონულ ფაილებს, რომლებიც ცნობილია როგორც ვებ-შუქურები (ასევე, ცნობილია როგორც გამჭვირვალე gif-ები, პიქსელური თეგები და ერთპიქსელიანი gif-ები), რომლებიც საშუალებას გვაძლევს გავაანალიზოთ მონაცემები ვებსაიტის თქვენს მიერ გამოყენების შესახებ (მაგალითად, გარკვეული კონტენტის პოპულარობის აღრიცხვა და სისტემისა და სერვერის მთლიანობის შემოწმება). საიტს შეუძლია შეაგროვოს მონაცემები თქვენს მიერ ნანახი ან გახსნილი რეკლამების ბმულების შესახებ. დროდადრო, ჩვენ შეიძლება გამოვიყენოთ მესამე მხარის ქუქი-ფაილები და პიქსელები ჩვენს საიტზე, რომლებიც მოწოდებულია ჩვენი მარკეტინგული პარტნიორების, მათ შორის, სოციალური მედიის კომპანიების მიერ. იმ ფარგლებში, რომელშიც ჩვენ ვიყენებთ ასეთ მესამე მხარის ქუქი-ფაილებს და პიქსელებს, თქვენ წინამდებარედ ეთანხმებით ამ მესამე მხარეების (მათ შორის და არამხოლოდ: Meta, X(ყოფილი Twitter), TikTok, დაLinkedIn) მიერ დადგენილ წესებსა და პირობებს.

გთხოვთ, გაითვალისწინოთ, რომ თუ თქვენ არ დაეთანხმებით ქუქი-ფაილების ერთ ან რამდენიმე კატეგორიას, საიტის ზოგიერთი ფუნქცია ან ფუნქციონალი შესაძლოა თქვენთვის ხელმისაწვდომი არ იყოს. მაგალითად, ჩაშენებული კონტენტი, როგორიცაა ვიდეოები, შეიძლება სწორად არ გამოჩნდეს.

ქუქი-ფაილების და თრექინგის სხვა ტექნოლოგიების მართვის რამდენიმე გზა არსებობს:

1. ქუქი-ფაილების პრეფერენციები. შეცვალეთ თქვენი პარამეტრები ჩვენი ქუქი-ფაილების ბანერის გამოყენებით.
2. ბრაუზერის პარამეტრები. თითოეული ბრაუზერი გთავაზობთ სხვადასხვა შესაძლებლობებს ქუქი-ფაილების დაბლოკვისა და თრექინგის სხვა ტექნოლოგიებისთვის. მიჰყევით ინსტრუქციებს თქვენი ბრაუზერის პარამეტრების გვერდზე.
3. Google Analytics და Adobe Analytics თუ გსურთ უარი თქვათ Google Analytics-ის ან Adobe Analytics-ის თრექინგის ქუქი-ფაილების გამოყენებაზე თქვენი ბრაუზერის მეშვეობით და არა ჩვენი ქუქი-ფაილების პარამეტრების ფუნქციის მეშვეობით, შეგიძლიათ იმოქმედოთ შემდეგნაირად: 
   1. დააინსტალირეთ Google Analytics-ის ბრაუზერის უარის თქმის დანამატი; ან,
   2. უარი Adobe Analytics-ზე.
4. რეკლამის არჩევანი . ასევე, შეგიძლიათ უარი თქვათ გარკვეულ მიზნობრივ რეკლამაზე ციფრული რეკლამის ალიანსის მომხმარებელთა არჩევანის ინსტრუმენტისა და ქსელური რეკლამის ინიციატივის მომხმარებელთა არჩევანის ინსტრუმენტის გამოყენებით.

როგორ ვიცავთ თქვენს პერსონალურ მონაცემებს?

თქვენი პერსონალური მონაცემების უსაფრთხოება ჩვენი პრიორიტეტია. ჩვენ ვიცავთ თქვენს პერსონალურ მონაცემებს გონივრული ფიზიკური, ელექტრონული და პროცედურული უსაფრთხოების ზომებისა და დაცვის საშუალებების დანერგვითა და შენარჩუნებით. თუ თქვენ გაქვთ დამატებითი კითხვები იმის შესახებ, თუ როგორ ვიცავთ თქვენს პერსონალურ მონაცემებს, გთხოვთ, დაგვიკავშირდეთ.

მიუხედავად იმისა, რომ ჩვენ ვცდილობთ დავიცვათ თქვენი პერსონალური მონაცემები, ვერცერთი უსაფრთხოების ზომა ვერ უზრუნველყოფს სრულ დაცვას ქურდობისგან, დაკარგვისგან ან სხვა არაავტორიზებული წვდომისგან ან გამოყენებისგან. ვერცერთი საინფორმაციო სისტემა ვერ იქნება სრულად დაცული და ჩვენ ვერ მოგცემთ გარანტიას თქვენი პერსონალური მონაცემების აბსოლუტურ უსაფრთხოებაზე. გარდა ამისა, ჩვენ არ ვართ პასუხისმგებელი პერსონალური მონაცემების უსაფრთხოებაზე, რომელსაც თქვენ საიტზე გადასცემთ ისეთი ქსელების, მათ შორის, ინტერნეტისა და უკაბელო ქსელების, საშუალებით, რომელსაც ჩვენ არ ვაკონტროლებთ და ნებისმიერ პერსონალურ ინფორმაციასა და მონაცემს თქვენივე რისკით გვაწვდით. კანონით დაშვებულ ფარგლებში ჩვენ არ ვართ პასუხისმგებელი მონაცემებთან დაკავშირებულ ინციდენტებზე ან მოვლენებზე, რომლებმაც შეიძლება საფრთხე შეუქმნას თქვენი პერსონალური მონაცემების კონფიდენციალურობას, მთლიანობას ან უსაფრთხოებას მესამე მხარის ბრალეულობის გამო.

ბავშვებისა და არასრულწლოვნების პირადი ინფორმაცია

ჩვენ არ ვაგროვებთ, არ ვიყენებთ და არ ვამჟღავნებთ 18 წლამდე ასაკის ბავშვების პერსონალურ მონაცემების მშობლების წინასწარი თანხმობის გარეშე. ბავშვებისთვის განკუთვნილი პროდუქტები და მომსახურება უნდა იყოს მოწოდებული და მიმართული მხოლოდ ბავშვის მშობლების ან კანონიერი მეურვეების მიმართ.

თუ თქვენ 18 წლამდე ასაკის ხართ, გთხოვთ, არ გამოიყენოთ საიტი და არ მოგვაწოდოთ რაიმე პერსონალური მონაცემი. თუ ფიქრობთ, რომ ჩვენ შემთხვევით შევაგროვეთ თქვენი შვილის პერსონალური მონაცემები, შეგიძლიათ დაგვიკავშირდეთ და ჩვენ დაუყოვნებლივ მოვაგვარებთ საკითხს.

რამდენ ხანს ვინახავთ თქვენს პერსონალურ მონაცემებს?

ჩვენ შევინახავთ თქვენს პერსონალურ მონაცემებს იმდენ ხანს, რამდენიც ეს გონივრულად აუცილებელია იმ მიზნებისთვის, რისთვისაც ისინი თავდაპირველად შეგროვდა. პერსონალური მონაცემების შესაფერისი შენახვის ვადის განსაზღვრისას, ჩვენ გავითვალისწინებთ ისეთ ფაქტორებს, როგორიცაა:

• გამოითხოვეთ თუ არა თქვენი თანხმობა და არსებობს თუ არა დამუშავების სხვა სამართლებრივი საფუძველი;
• ნებისმიერი სამართლებრივი მოთხოვნა პერსონალური მონაცემების შენახვის შესახებ; და
• შესაბამისი ხანდაზმულობის ვადის გასვლა.

მონაცემთა საერთაშორისო გადაცემა

Harmony Biosciences არის გლობალური ორგანიზაცია, რომელიც უზრუნველყოფს მომსახურების მიწოდებას მთელ მსოფლიოში. შედეგად, შესაძლოა, ჩვენს მომსახურებასთან დაკავშირებით შეგროვებული პერსონალური მონაცემების გადაცემა დაგვჭირდეს იმ ქვეყნების ორგანიზაციებისთვის, რომლებსაც თქვენი საცხოვრებელი ქვეყნისგან განსხვავებული მონაცემთა დაცვის სტანდარტები აქვთ. თუმცა, გადაცემის ხელშეწყობის მიზნით, ჩვენ გამოვიყენებთ შესაბამის დაცვის ზომებს, რომლებიც გათვალისწინებულია მონაცემთა დაცვის მოქმედი რეგულაციებით.

თუ თქვენ ევროპის ეკონომიკურ ზონაში ან დიდ ბრიტანეთში იმყოფებით, ჩვენ თქვენს პერსონალურ მონაცემებს საზღვარგარეთ გადავცემთ გადაცემის ადეკვატურობის შეფასების შესახებ გადაწყვეტილების საფუძველზე, ასეთის არსებობის შემთხვევაში. ეს არის შესაბამისი ორგანოს, მაგალითად, ევროკავშირის კომისიის მიერ მიღებული გადაწყვეტილება, რომლის მიხედვითაც დანიშნულების ადგილის იურისდიქცია უზრუნველყოფს მონაცემთა დაცვის ადეკვატურ გარანტიებს. გადაცემის ადეკვატურობის შეფასების გადაწყვეტილებების სია შეგიძლიათ იხილოთ აქ. თუმცა, ის შეიძლება განსხვავდებოდეს იმისდა მიხედვით, თუ საიდან ხდება თქვენი პერსონალური მონაცემების გადაცემა.

ისეთ შემთხვევებში, როდესაც ჩვენ ვერ დავეყრდნობით გადაცემის ადეკვატურობის შეფასების გადაწყვეტილებას, ჩვენ ვაფორმებთ შესაბამის შეთანხმებებს თქვენი პერსონალური მონაცემების მიმღებ მესამე მხარეებთან და ვატარებთ გადაცემის რისკის შეფასებას. საჭიროების შემთხვევაში, ჩვენ ასევე ვითვალისწინებთ შეზღუდვებს პერსონალური მონაცემების შემდგომ გადაცემაზე.

გთხოვთ, დაგვიკავშირდეთ ელექტრონული ფოსტით მისამართზე: privacy@harmonybiosciences.com თუ გსურთ გაიგოთ მეტი კონკრეტული მექანიზმების შესახებ, რომლებსაც ვიყენებთ თქვენი პერსონალური მონაცემების საერთაშორისო დონეზე გადაცემისას.

თქვენი უფლებები

გარკვეული პირობებისა და მონაცემთა დაცვის მოქმედი კანონმდებლობის დაცვით, თქვენ შეიძლება გქონდეთ უფლებები თქვენს შესახებ ჩვენს მიერ შეგროვებულ ან დამუშავებულ პერსონალურ მონაცემებთან დაკავშირებით:

1. უფლება იყოთ ინფორმირებული. თქვენ გაქვთ უფლება იყოთ ინფორმირებული თქვენი პერსონალური მონაცემების შეგროვებისა და გამოყენების შესახებ. ეს მოიცავს ინფორმაციას თქვენი მონაცემების დამუშავების მიზნების, შენახვის პერიოდებისა და გაზიარების ადრესატების შესახებ.
2. წვდომის უფლება. თქვენ გაქვთ უფლება მიიღოთ წვდომა თქვენს პერსონალურ მონაცემებსა და დამატებით ინფორმაციაზე. ეს საშუალებას გაძლევთ შეიტყოთ და გადაამოწმოთ დამუშავების კანონიერება.
3. წაშლის უფლება. გარკვეულ გარემოებებში თქვენ გაქვთ უფლება, წაიშალოს თქვენი პერსონალური მონაცემები, რაც ასევე ცნობილია, როგორც წაშლის ან „დავიწყების უფლება“.
4. გასწორების უფლება. თქვენ გაქვთ უფლება მოითხოვოთ არაზუსტი პერსონალური მონაცემების გასწორება ან შევსება, თუ ისინი არასრულია.
5. დამუშავების შეზღუდვის უფლება. თქვენ გაქვთ უფლება მოითხოვოთ თქვენი პერსონალური მონაცემების შეზღუდვა ან დამუშავების აღკვეთა გარკვეული პირობებით.
6. მონაცემთა პორტაბელურობის უფლება. თქვენ გაქვთ უფლება მიიღოთ და ხელახლა გამოიყენოთ თქვენი პერსონალური მონაცემები საკუთარი მიზნებისთვის სხვადასხვა სერვისში. ეს საშუალებას მოგცემთ მარტივად, უსაფრთხოდ და დაცულად გადასცეთ, დააკოპიროთ ან გადაიტანოთ პერსონალური მონაცემები ერთი IT გარემოდან მეორეში.
7. წინააღმდეგობის უფლება. თქვენ გაქვთ უფლება გაასაჩივროთ თქვენი პერსონალური მონაცემების დამუშავება გარკვეულ გარემოებებში. ეს მოიცავს პირდაპირ მარკეტინგს, ლეგიტიმურ ინტერესებზე დაფუძნებულ დამუშავებას ან საზოგადოებრივი ინტერესებიდან გამომდინარე დავალების შესრულებას/სამსახურებრივი უფლებამოსილების აღსრულებას, ასევე, სამეცნიერო/ისტორიული კვლევისა და სტატისტიკური მიზნებისთვის დამუშავებას (ასეთის არსებობის შემთხვევაში).
8. გადაწყვეტილების ავტომატიზირებულ მიღებასა და პროფილირებასთან დაკავშირებული უფლებები. თქვენ გაქვთ უფლება, არ დაექვემდებაროთ მხოლოდ ავტომატიზირებულ დამუშავებას, მათ შორის პროფილირებაზე დაფუძნებულ გადაწყვეტას, რომელიც თქვენ მიმართ სამართლებრივ შედეგებს იწვევს ან ანალოგიურად მნიშვნელოვნად მოქმედებს თქვენზე.

თუ თქვენ გაქვთ რაიმე შეკითხვა ან გსურთ ზემოთ ჩამოთვლილ რომელიმე უფლებასთან დაკავშირებით მოთხოვნის წარდგენა, გთხოვთ, დაგვიკავშირდეთ ელექტრონული ფოსტით მისამართზე: privacy@harmonybiosciences.com და ჩვენ ვუპასუხებთ თქვენს მოთხოვნას რაც შეიძლება მალე და, ნებისმიერ შემთხვევაში, კანონით გათვალისწინებულ ვადებში. თუ თქვენგან მოთხოვნას მივიღებთ, შესაძლოა, თქვენი პერსონალური ინფორმაციის დასაცავად თქვენი მოთხოვნის დაკმაყოფილებამდე თქვენი ვინაობის დადასტურება მოგთხოვოთ.

საჩივრის წარდგენა

ასევე, შესაძლოა, გქონდეთ უფლება, თქვენი პერსონალური მონაცემების დამუშავებასთან დაკავშირებით საჩივარი წარადგინოთ მონაცემთა დაცვის კანონმდებლობის აღსრულების საკითხზე პასუხისმგებელ მარეგულირებელ ორგანოში:

• ევროპის ეკონომიკური ზონის ქვეყნებისთვის, ეროვნული მონაცემთა დაცვის ორგანოების სია შეგიძლიათ იხილოთ აქ.

დიდ ბრიტანეთში მონაცემთა დაცვაზე პასუხისმგებელი ორგანოა ინფორმაციის კომისრის ოფისი (ICO), რომლის შესახებ დამატებითი ინფორმაციის მოძიება შესაძლებელია ICO-ს ვებსაიტზე.

თქვენი პასუხისმგებლობები

თქვენ გაქვთ უფლება და წინამდებარე დოკუმენტით ეთანხმებით Harmony-სთვის პერსონალური ინფორმაციის გადაცემას მხოლოდ იმ შემთხვევაში, თუ ასეთი პერსონალური მონაცემები ზუსტი, სანდო და ჩვენი ურთიერთობისთვის შესაბამისია და მხოლოდ იმ შემთხვევაში, თუ ასეთი გამჟღავნება არ არღვევს მონაცემთა დაცვის შესახებ მოქმედ კანონებს, კანონმდებლობას ან რეგულაციებს ან არ არღვევს ნებისმიერი პირის კონფიდენციალურობის უფლებებს ან პრივილეგიებს. თუ თქვენ Harmony-ს მიაწვდით პერსონალურ მონაცემებს (მათ შორის, მესამე მხარის შესახებ პერსონალურ მონაცემებს), თქვენ ცალსახად აცხადებთ და აძლევთ გარანტიას Harmony-ს, რომ გაქვთ სრული უფლება და უფლებამოსილება, გადასცეთ Harmony-ს ასეთი პერსონალური მონაცემები (მათ შორის, მესამე მხარის შესახებ პერსონალური მონაცემები) და რომ Harmony-ს მიერ ასეთი პერსონალური მონაცემების გამოყენება და დამუშავება, როგორც ეს წინამდებარედ არის აღწერილი, არ დაარღვევს არცერთი პირის უფლებებს ან პრივილეგიებს, მათ შორის, კონფიდენციალურობის უფლებებს. თქვენ წინამდებარე დოკუმენტით ეთანხმებით, რომ სრულად და უპირობოდ აუნაზღაურებთ და დაიცავთ Harmony-ს ნებისმიერი პრეტენზიისაგან, დანაკარგისგან ან ზიანისგან, რომელიც შეიძლება წარმოიშვას Harmony-სთვის თქვენი პერსონალური მონაცემის (მათ შორის, მესამე მხარეების შესახებ პერსონალური მონაცემის) მიწოდების შედეგად.

მარკეტინგული პრეფერენციები

თქვენ ნებისმიერ დროს შეგიძლიათ უარი განაცხადოთ ჩვენგან მარკეტინგული წერილების მიღებაზე. ასეთ მარკეტინგული წერილების მიღებაზე უარის თქმის მიზნით, გთხოვთ, გამოიყენოთ ჩვენს ელექტრონული ფოსტის კომუნიკაციებში მითითებული „გამოწერის გაუქმების“ ან „პრეფერენციების“ ფუნქციები ან დაგვიკავშირდეთ ქვემოთ მოცემული „კონტაქტი“ განყოფილების შესაბამისად.

სიგნალები „არ უთვალთვალო“

ზოგიერთმა ვებ ბრაუზერმა შეიძლება გადასცეს „არ უთვალთვალო“ სიგნალები იმ ვებსაიტს, რომელთანაც მომხმარებელი ურთიერთქმედებს. ვებ-ბრაუზერების მიერ ამ ფუნქციის ჩართვისა და გააქტიურების განსხვავებული მეთოდების გამო, ყოველთვის არ არის ნათელი, აპირებენ თუ არა მომხმარებლები ამ სიგნალების გადაცემას, ან საერთოდ იციან თუ არა მის შესახებ. თუ კანონმდებლობით სხვა რამ არ არის გათვალისწინებული, ამჟამად ჩვენ არანაირ ქმედებას არ ვახორციელებთ ამ სიგნალებზე რეაგირების მიზნით.

შეზღუდული შესაძლებლობის მქონე პირები

Harmony იღებს ვალდებულებას, უზრუნველყოს, რომ ყველას ჰქონდეს წვდომა ჩვენს სერვისებთან დაკავშირებულ ინფორმაციაზე, მათ შორის ამ კონფიდენციალურობის შეტყობინებაზე. გთხოვთ, დაგვიკავშირდეთ, თუ გსურთ, რომ წინამდებარე კონფიდენციალურობის შეტყობინება წარმოდგენილი იყოს ალტერნატიულ ფორმატში და ჩვენ ვეცდებით, გავითვალისწინოთ თქვენი საჭიროებები.

როგორშეგიძლიათ დაგვიკავშირდეთ

მონაცემთა დამუშავებისთვის პასუხისმგებელი პირი:
Harmony Biosciences
630 W. Germantown Pike, Suite 215
Plymouth Meeting, PA 19462
ამერიკის შეერთებული შტატები.

თუ რაიმე შეკითხვა გექნებათ ან გსურთ საჩივრის წარდგენა პერსონალური მონაცემების დამუშავებასთან დაკავშირებით, გთხოვთ, დაგვიკავშირდეთ შემდეგ ელ.ფოსტის მისამართზე:privacy@harmonybiosciences.com.

ასევე, შეგიძლიათ დაუკავშირდეთ ჩვენს მონაცემთა დაცვის ოფიცერს (DPO) ან ჩვენს წარმომადგენლებს ევროკავშირში (EU) ან გაერთიანებულ სამეფოში (UK) ელ.ფოსტის მისამართზე:dpo@harmonybiosciences.com ან ფოსტით შემდეგ მისამართებზე:

მონაცემთა დაცვის ოფიცერიHarmony Biosciences
ადრესატი: მონაცემთა დაცვის ოფიცერი
630 W. Germantown Pike, Suite 215
Plymouth Meeting, PA 19462
ამერიკის შეერთებული შტატები

ევროკავშირის წარმომადგენელი
BDO AUDIBERIA ABOGADOS Y ASESORES TRIBUTARIOS, S.L.P.
ადრესატი: Harmony Biosciences-ის მონაცემთა დაცვის წარმომადგენელი
C/San Elies, 29-35 5ª Planta, Esc. B
ბარსელონა, ესპანეთი
08006

გაერთიანებული სამეფოს წარმომადგენელი
BDO LLP
ადრესატი: Harmony Biosciences-ის მონაცემთა დაცვის წარმომადგენელი
55 Baker Street
London W1U 7EU
გაერთიანებული სამეფო

ცვლილებები ჩვენს კონფიდენციალურობის შეტყობინებაში

ჩვენ შესაძლოა დროდადრო განვაახლოთ ჩვენი კონფიდენციალურობის შეტყობინება საჭიროებისამებრ, რათა ის ასახავდეს ჩვენს მიმდინარე სერვისებს, პოლიტიკასა და პრაქტიკას. განახლებულ შეტყობინებას ხელმისაწვდომს გავხდით ამ გვერდზე თქვენი მუდმივი მითითებისთვის. ნებისმიერი ცვლილება ძალაში შევა განახლებული კონფიდენციალურობის შეტყობინების გამოქვეყნებისთანავე. წინამდებარე კონფიდენციალურობის შეტყობინება ბოლოს განახლდა ზემოთ მოცემულ ძალაში შესვლის თარიღში. გამომდინარე იქედან, რომ ონლაინ კონფიდენციალურობა შეიძლება სწრაფად შეიცვალოს, ჩვენ შეიძლება შევიტანოთ ცვლილებები ამ კონფიდენციალურობის შეტყობინებაში, რაც გავლენას მოახდენს თქვენი პერსონალური მონაცემების გამოყენების წესზე. ჩვენ ვიტოვებთ უფლებას, ნებისმიერ დროს შევცვალოთ ამ კონფიდენციალურობის შესახებ შეტყობინების პირობები საიტზე ცვლილებების გამოქვეყნებით. პერიოდულად ვალდებული ხართ გადახედოთ ამ კონფიდენციალურობის შეტყობინებას ცვლილებების შესამოწმებლად. თუ არ ეთანხმებით წინამდებარე კონფიდენციალურობის შეტყობინების პირობებს ან მასში შეტანილ ნებისმიერ ცვლილებას, გთხოვთ, დაუყოვნებლივ დატოვოთ საიტი.